ბავშვი ყოველ საათში იღვიძებს? აი რეალური მიზეზი

რა არის ბავშვის ძილის ციკლი?

ზრდასრულ ადამიანში ერთი ძილის ციკლი დაახლოებით 90 წუთი გრძელდება.

მაგრამ ჩვილებში ყველაფერი სხვანაირად მუშაობს. ბავშვის ძილის ციკლი არის მხოლოდ 40–60 წუთი.

ეს ნიშნავს, რომ:

• ბავშვი ბევრად ხშირად გადადის ღრმა და მსუბუქ ძილს შორის

• ყოველი ციკლის ბოლოს შეიძლება გაიღვიძოს ან „გაღვიძებასთან ახლოს იყოს“

• ეს სრულიად ნორმალურია

რატომ იღვიძებს ბავშვი ყოველ საათში?

ძირითადი მიზეზი მარტივია: ყოველი ძილის ციკლის ბოლოს ბავშვი ოდნავ იღვიძებს. ზრდასრულები ამას ვერც კი ვამჩნევთ, რადგან ისევ ვიძინებთ.
ბავშვს კი ხშირად სჭირდება დახმარება, რომ ისევ დაიძინოს.

რატომ არის ბავშვის ძილი ასეთი „მძიმე“?

ჩვილები დიდ დროს ატარებენ მსუბუქ (REM) ძილში, დაახლოებით 50%
(ზრდასრულებში ეს მხოლოდ 20–25%-ია)

ეს მნიშვნელოვანია, რადგან:

• ტვინი აქტიურად ვითარდება

• სწავლა და მეხსიერება ყალიბდება

• ვითარდება ნერვული სისტემა

მაგრამ ამას მხოლოდ ერთი უარყოფითი მხარე აქვს, ბავშვი უფრო ადვილად იღვიძებს ფაზებს შორის.

ყველაზე დიდი შეცდომა: „იქნებ შია“

დიახ, ახალშობილებს ხშირად შიათ. მაგრამ: ყოველ საათში გაღვიძება ყოველთვის შიმშილს არ ნიშნავს. ხშირად ეს არის:

• ძილის ფაზების ცვლილება

• ჩვევა (მაგ: დაძინება ძუძუთი/ხელში)

• გარემო (ხმაური, სინათლე)

• განვითარების ეტაპი (growth spurt, regression)
  

გაითვალისწინეთ: ბავშვმა საჭმელი უნდა მიიღოს ყოველ 3 საათში შესაბამისი დოზით. (ასაკის და წონის მიხედვით)

თუ ბავშვი იძინებს ძუძუთი, ხელში, დარწევით, საწოვარით ან სხვა მეთოდით, მაშინ ყოველი ციკლის შემდეგ ის ელოდება იგივე მეთოდს, რომ ისევ განაგრძოს ძილი. ბავშვი არ იღვიძებს იმიტომ, რომ პრობლემა აქვს. ის უბრალოდ ვერ აერთებს ძილის ფაზებს დამოუკიდებლად.

რა არის ნორმა ასაკის მიხედვით?

0–3 თვე

• ხშირი გაღვიძება ნორმალურია

• ძილი არასტაბილურია

3–6 თვე

• იწყებს რეჟიმის ჩამოყალიბებას

• მაგრამ მაინც იღვიძებს ღამით

6+ თვე

• შეუძლია უფრო გრძელი ძილი

• მაგრამ მაინც იღვიძებს ფაზებს შორის

როგორ შევამციროთ გაღვიძება ფაზებს შორის?

არის რამდენიმე მეთოდი რაც რეალურად მუშაობს:

1. ერთნაირი რუტინა

• აბაზანა

• მშვიდი განათება

• ერთი და იგივე დრო

2. გარემო

• ბნელი ოთახი

• სტაბილური ტემპერატურა

• თეთრი ხმაური (white noise)

3. დამოუკიდებლად დაძინება

ყველაზე მნიშვნელოვანი: ბავშვმა უნდა ისწავლოს თავად დაძინება რადგან:

• ასე უკეთ აერთებს ძილის ფაზებს

• ნაკლებად იღვიძებს

დასკვნა

ბავშვი ყოველ საათში რომ იღვიძებს, ეს უმეტეს შემთხვევაში ნორმალურია. ეს ნიშნავს რომ:

• ძილის ფაზები მუშაობს

• ტვინი ვითარდება

• ბავშვი სწავლობს ძილს

დროის განმავლობაში ძილის ფაზები გაიზრდება, გაღვიძებები შემცირდება და ღამეებიც უფრო მშვიდი გახდება.

ბედნიერ დედობას გისურვებთ ❤️