რა წავიღო სამშობიაროში? - სამშობიარო ჩანთის გზამკვლევი

ორსულობის ბოლო კვირეებში ერთ-ერთი ყველაზე საპასუხისმგებლო საქმე „სამშობიარო ჩანთის“ მომზადებაა. სასურველია, ჩანთა მზად გქონდეთ 35-36-ე კვირისთვის, რათა ნებისმიერ დროს აიღოთ იგი, როდესაც მშობიარობა დაგეწყებათ და პირდაპირ საავადმყოფოში გაემართოთ.

პრაქტიკულობისთვის, უმჯობესია ნივთები სამ ნაწილად დაყოთ: საბუთები, დედის ნივთები და ჩვილის ნივთები.

ყველაზე მნიშვნელოვანი: საბუთები

• პასპორტი ან პირადობა

• გაცვლა-გამოცვლის ბარათი (სასურველია ბოლო ანალიზებით)

• ჯანმრთელობის დაზღვევის ბარათი

• ალერგიის ჩანაწერები (არსებობის შემთხვევაში)

არ დაგავიწყდეთ ტელეფონის დამტენის წაღება.

რა დასჭირდება დედას?

სამშობიაროში ყოფნისას კომფორტი მნიშვნელოვანია. გაითვალისწინეთ, რომ იქ, როგორც წესი, 2-3 დღეს დაჰყოფთ, ამიტომ მნიშვნელოვანია გქონდეთ კომფორტული ტანსაცმელი და აქსესუარები.

1. ხალათი და პერანგი (ან პიჟამო) - წინ შესაკრავით

2. ჩუსტები ოთახისთვის და აბაზანისთვის

3. წინდები

4. ლაქტაციის ლიფი

5. მკერდის საფენები

6. მკერდის თავების დამცავი კრემი

7. ერთჯერადი საფენები (მშობიარობის შემდგომი)

8. ჰიგიენური ნივთები: ჯაგრისი, კბილის პასტა, შამპუნი, დეოდორანტი, სავარცხელი, თმის სამაგრი, ყურის ჩხირები და ა.შ.

9. 2 პატარა და 1 საშხაპე პირსახოცი

10. ხელსახოცები: სველი და მშრალი

11. კომფორტული ტანსაცმელი გამოწერის დღისთვის

ასევე შესაძლოა დაგჭირდეთ:

1. მშობიარობის შემდგომი სატარებელი ქამარი

2. რძის გამოსატუმბი აპარატი

3. სილიკონის თავები

რა დასჭირდება ახალშობილს?

რა დასჭირდება თქვენს პატარას სამშობიაროში? ეს კითხვა ყველა მომავალ დედას აწუხებს. გაეცანით ჩვენ მიერ მომზადებულ ჩამონათვალს, რომელიც გამოცდილი დედების რჩევებს ეფუძნება.

1. ბოდე 3-4 ცალი (სეზონის მიხედვით)

2. შარვალი 3-4 ცალი

3. რომპერი 2-3 ცალი

4. წინდები

5. ქუდი

6. თათები (არასავალდებულო)

7. თხელი ზეწარი 2-3 ცალი

8. პლედი

9. პირსახოცი

10. პირსაწმენდები

11. გამოსაყვანი ტანსაცმელი

12. სველი ხელსახოცი

13. პამპერსი (ზოგ სამშობიაროში დაგხვდებათ)

14. ბოთლი და საწოვარა

15. საფენის ქვეშ გამოსაყენებელი მაზი

და ბოლოს: ნუ ინერვიულებთ, თუ რამე დაგავიწყდებათ. მთავარი თქვენი და პატარას სიმშვიდეა, ნებისმიერ ნივთს კი ოჯახის წევრები მოგვიანებითაც მოგიტანენ.

ბედნიერ დედობას გისურვებთ!